مسرحية العاقلة والهبيلة تأليف : مينا سمير

مسرحية العاقلة والهبيلة

الشخصيات ( العريس - الهبيلة وزوجها  - العاقلة وزوجها  )

العريس:-

 بعت   بياناتي وقلت اني شخصيتى عصبية وباحثة عن الكمال

وبعتت واحده وقالت ان شخصيتها هبيلة اوي وعبيطة

قولتلهم تمام هي دي مناسبه ليا واتصلوا بيا وبيها وتم الارتباط والزواج

العريس :-

عارفين الشخصية الهبيله دي روعة روعة

العريس :-

لما اقول للناس عايز عروسة هبيله يقولولي احترم نفسك وبلاش اهانة

ماهو الطيبة دلوقتى واللى مش عايشة زي العالم بيقولوا عليها هبيلة

وبعد فترة طويلة من السنوات

حوار بين الزوج والهبيلة :-

الزوج  :-  يقول للهبيلة جتك القرف

الهبيلة :- تسلم ياسبعي

الزوج :- ربنا يخليكي ليا

الهبيلة :- تسلم ياراجلي

الزوج :- زهقت منك

الهبيلة :-  مراتك واستحملني

الزوج :-  ماقدرش استغنى عنك

الهبيلة :-  ربنا اختارك ليا

الزوج :- يديها فوق دماغها

الهبيلة :-  صليبي واتحمله

دي الهبله اللى تنفع فى الجواز

العاقلة :-

 اول محست انها انثي الكبرياء سيطر عليها

وتصوروات عقلها فهمتها ان جوزها ده ان مكنش يعاملها كويس يبقى ميستهلنيش

الهبيله :-

قالت الراجل ده مش جوزي دا ربنا اختارهولي يعني طلع عينى عاملني كويس لازم اعيش معاه امال ربنا هيدخلني السما علي ايه مانا لازم اشيل صليب

العاقلة :- 

  بعد فترة جواز ابووووويا الحقنى جوزي بيعاملنى وحش انا زهقت يابابي اتصرف

ارفع عليه قضيه خلع عايزه اخلعه يابابا ارجوك مش قادرة اعيش معاه

حدث لقاء بين الهبيلة والعاقلة دار بينهما الحوار كالاتي :-

ارادت العاقلة ان تجعل الهبيلة عاقله زيها

الهبيلة  :-

جوزي ربنا باعتهولي وبتحمله على الحلوة والمرة

العاقله :-

 دانا جوزي باشارة واحده مني يجبلى اللى انا عايزاه ومعيشنى ملكة

 الهبيله:-

 احنا مستورة معانا والحمد لله

العاقلة :-

واحنا كمان بس انا جوزي ربنا يخليهولي منغنغني فى الفلوس واي حاجه نفسي فيها بيجبهالي حتي لو لبن العصفور

ذهبت الهبيلة الى منزلها :-

 الهبيله تتكلم مع جوزها تقوله دي صحبتى جوزها بيجبلها كل حاجه عايزاها ومعيشها على ريش نعام

متتحرك ياراجل واشتغل شغلانه تانيه وتبقى زي جوزها كده بدل مانت معيشنا بالقطارة

وبدءت الهبيله تتحول درجة درجة لحد مبقت عاقلة

وجوز الهبيلة سمع كلامها واشتغل شغلانه تانيه وبدء يغرقها فى الفلوس والفلوس كترت فى ايديه

وبدءت الهبيله الى هى بقت عاقلة تقوله :-

ربنا يخليك ليا ياجوزي يامنغنغي ومعيشنى ملكة

وبعد فتره من السنوات

واحده بتقولها الحقي جوزك بيعرف واحده تانيه وبيصرف فلوسه عليها

اتصدمت الهبيله اللى هي بقت عاقلة

الهبيلة :- بتعرف واحده عليا يا....

الزوج  :-

 وانتى بتسالينى ليه ؟

 فلوس ومش مقصر معاكي ومعيشك ملكة والى بتعوزيه بجبهولك عايزه ايه تاني ؟

ملكيش دعوة بقي اعرف واحده تانيه ولا لا

سالنا الزوج ليه عملت كدة :-

  قالنا اصل زمان لما كنت عايش على قدي كانت نعمة ربنا معايا وعايش بحب مراتي وكنا اسعد زوجين حتي في اوقات المشاكل بنا مكنتش اقدر استغني عنها

واول مدخلت العاقلة في حياتنا انا ومراتي الهبيلة الجميلة فى نظري بدءت تغيرها ولما الفلوس كترت فى ايديا زغللت عينيا وبعدت عن ربنا وجاتنى افكار ان معايا فلوس كتير

وبدءت اتعرف على واحده اعقل منهم  وانبسط

وخسرت الهبيلة  لانها فكرت تبقى عاقلة

انتى بقي عايزه تكوني هبيلة ولا عاقله ؟

 عايزة تكوني هبيلة :-

الباب ضيق جدا

  لازم الافكار تحاربك ولازم عدو الخير من النساء يحاربوكي وتبقى ليكي ميل انك تعقلي يعنى الحرب طويلة حتى نفسك هتحاربك بين انك تكوني هبيله او عاقلة

عايزة تكوني عاقلة :

الباب واسع جدا وسهل قدامك

وما اسهل ان تكوني عاقلة .

3 يناير 2015

جروب ابناء يسوع

https://www.facebook.com/groups/thesonsofjesus/

12:11 م